Txokolatea, elikagai osasuntsua


Txokolatea, elikagai
Txokolatea ta kakaozko elikagaiak oso energetikoak dira, karbohidrato eta gantz ugari dauzkatelako. Gantza, batez ere, kakao-gantzak kakao-intxaur ehoak estutu ondoren erdiesten den olioa, alegia) ematen du: bertan hainbat gantz-azido saturatu dira ugarienak, hala nola estearikoa; honakoak, adibidez, bere familiako beste hainbat azidok ez bezala, ez du odoleko kolesterolaren igoerarekin loturarik. Proteina gutxi dauzka, esnerik edo esnekirik gehitu ezean. 
Txokolatea elikagai tonikoa da, teobromina ugari daukalako. Teobromina, izan ere, nerbio-sistema estimulatzen duen substantzia da, kafearen kafeina edo tearen teinaren antzekoa, baina eragin kitzikagarri ahulagoa du, bi horiek baino. Bukatzeko, gantz asko daukanez, tamainan kontsumitzea komeni izaten da (anoa, 20 gramo). Nutrizio alorreko adituen ustez, dieta orekatuan beti ere, kakaoa -era askotan- kontsumitzea gaitzik ez duten adin guztietako gizakien osasunarentzat mesedegarria da. 

Osaketa nutrizionala (anoa, 20 gramo)

	Txokolate mikatz azukreduna	Txokolate esneduna	Txokolate zuria	Kakao azukreduna
Energia (kcal)	103	107	106	73
Proteinak (g)	0,4	1,7	1,6	2
Karbohidratoak (g)	12,6	12	11,7	13,4
Gantzak (g)	6	6	6	1,6
Galde-erantzunak

Zer da kakao-portzentaje txikiena?
Txokolatean dautzan kakaozko produktuen -kakaoa edo kakao-orea eta kakao-gantza, alegia- gutxieneko kopurua da: zenbat eta kakao gehiago orduan eta txokolate hobea. 
Kakao-portzentajeak ba ote du eraginik osaketa nutrizionalean?
Nutrizioaren ikuspegitik, txokolate beltz mikatza esneduna baino hobea da, esneak txokolatearen ahalmen antioxidatzailea eragozten duelako. Adituen arabera, baliteke hori gertatzea antioxidatzaile eta esne-proteinen artean konplexu ez-xurgagarriak sortzearen ondorioz. 
Nolako osagaiak dauzka txokolate zuriak?
Txokolate zuriak kakao-gantza, esne hautsa, azukrea eta soja-lezitina dauzka. Ez du kakaorik eta, horrenbestez, ez da benean txokolate. 
Txokolatearen inguruko mitoak
·	Txokolateak gizendu egiten du
Txokolateak azukre eta gantz asko daukanez, kaloria asko ditu eta, hortaz, tamainan kontsumitu behar da. Horrela, kopuru txikitan hartuz gero, ez da inondik ere gizentzearen erruduna. 
·	Aknea areagotzen du
Txokolatea eta antzeko elikagai gantzatsuek ez dute garau eta zaldarren agerpenarekin inolako zerikusirik, dietan irensten den gantza ez baita bilgor-guruinetan metatzen. 
·	Karies edo txantxarra areagotzen du
Luzaro, kariesaren sortzaile edo eragile nagusitzat joak izan dira txokolatea, azukrea eta beste hainbat gozoki ere; lotura hori, dena den, ez da zuzena, tartean baitabiltza bestelako elementuak ere, hala nola elikagaien ukitua, hortzekiko atxikitasuna eta, nola ez, aho-higienea. Ez da zertan elikagai horiei saihets egin, non eta jan-tarteetan hartzen ez ditugun eta ahoa zaintzen dugun. 
·	Mendekotasuna sortzen du
Txokolateak konpultsio edo mendekotasunezko kontsumorik proboka dezaketen eragin fisiologikoak dituela ez du inongo azterketak edo ikerlanek frogatu. Arazoa bestelakoa da: txokolatea kontsumitzeak sentsazio atsegina sortzen du eta "mendekotasuna" nozitzen omen duen pertsona sentsazio horren bila (kasu batzuetan, maizegi) dabil. Gozotasuna sentitzeko "antsia" edo "desira" hori, sarri, aldartearen jaitsierarekin, depresioekin edo emakumearen hilekoarekin egokitzen da. Izan ere, gozokiak kontsumitzeak endorfinen askapen-mekanismoak estimulatzen dituela egiaztatu da: eragin horrek, pertsona batzuei gozokiak jateak egonezina arindu eta abaildura edo lur-jotze egoerari aurre egiteko unean laguntzen diela ulertaraz liezaguke. 
·	Burukominen sortzaile da
Kakaoak eta txokolateek, migraina-episodioen agerpenarekin lotu izan diren substantzia batzuk (hala nola tiramina, histamina eta -feniletilamina, adibidez) dauzkaten arren, migrainaren abiarazleak faktore asko dira eta substantzia horien parte-hartzea ezin izan da oraino zehaztu. 
Consumer eroski: Gaur egungo kontsumitzailearen aldizkaria

Umeak sukaldaritza klasean

Power point:FEEDING; By Veronica


zanahorioak

2007-11-29

Haurdunaldirako aholkuak

Honako web orri honetan, haurdun dagoen emakumearentzat aholkuak eta informazioa egongo dira. Zaintzea oso garrantzitsua da amarentzat eta umearentzat eta web orri honetan jatorduei buruz, kirolari buruz eta beste hainbat gauzari buruzko artikuluak aurkituko dituzue.

http://www.serpadres.es/index.php?option=com_content&task=blogcategory&id=10&Itemid=19&gclid=CLua6vXSgZACFQ5OQgodAyN1tw

egilea Loreain Martinez en 0:35 0 iruzkinak

Etiketak , , , , ,

2007-11-27

Elikaduraren ondorioak belaunaldietan zehar transmititzen dira

Elikaduraren ondorioak belaundaldietan zehar trasmititzen dira.

Desnutrizioaren ondorioak belaudaldietan zehar eman daitezke, baina berdin gertatzen da elikadura egoki batekin.
Umea ondo elikatzeak ondorio positiboak ekarriko ditu bere bizitzan, buruaren garapenean, garapen fisikoan eta baita garapen sozialean.

Desnutrizioak sistema inmunologikoa makaltzen du, gaixotasunak hartzeko erreztasuna bermatzen du eta gaixotasun bat izan ezkero honek gaizkitu egingo du beraz osatzeko erreabilitazioa oso zaila bihurtu liteke.

Umearen etorkizuna, sortzea baino lehen asten da, amaren elikadura egoerarekin hain zuzen. Amak desnutrizioa badauka umeak piso gutxi izan dezake eta bere garapena, izan beharko lukeena baino astiroago joan liteke. Lehen esan bezela, belaunaldietan zehar islatu daiteke hau, beraz, ume hau nagusitzean eta seme-alaba bat izatean, haurrak probabilitate gehiago izango du janarigabezia izatea.

Umearen sortzetik hiru urte bete arte, elikatze prozesua funtsezkoa da. Etapa honetan umea oso azkar hasten da eta neska mutilen elikaduraren oinarri sendoak eta inmunologikoak sortzen dira bizitza osorako. Etapa honetan odola, burmuina, hezurrak eta gehiengo organo eta ehunak sortzen dira. Edoskitze prosezu egoki bat lehenengo sei hilabeteetan emango balitz, munduan 1,3 milioi pertsonak bizi iraungo luketeen.
Oso garrantzitsua da umea ondo elikatzea baina gogoratu behar dugu amaren osasuna eta elikadurak papel handia hartzen duela hemen, beraz oso garrantzitsua da amak atsedena hartu eta denetariko jakiak jatea.

egilea Loreain Martinez en 4:23 0 iruzkinak

Etiketak , , , , ,

2007-11-19

Hona hemen, beste web orri bat, informazioa oso erabilgarria da jakiak ezagutzen hasteko aproposa. Gainera hizkuntza argia da eta ez da batere konplexua. Gazteleraz dago baina interesgarria iruditu zaidanez hala ere, jarri egin dut.

http://www.aesa.msc.es/aesa/web/FileServer?file=alimentacion_de_tus_ninos.pdf&language=es_ES&download=yes.

egilea Loreain Martinez en 3:33 0 iruzkinak

Etiketak , , , ,

Haurrentzat elikadurari buruzko artikulu interesgarria iruditu zaidanez zuen eskura jarri nahi dut. Hemen informazio ugari dago eta baita aholku asko. Adibidez, zer eman ahal diozun umeari osasuntsu egon daiten. Menu batzuk ere prest daude praktikan jartzeko eta baita jatorduetarako errutina batzuk ere.http://revista.consumer.es/web/eu/20020901/alimentacion/

egilea Loreain Martinez en 2:59 0 iruzkinak

Etiketak , , , ,

Suscribirse a: Entradas (Atom)

Elikadura piramidea

Nire bideoa youtuben:elikagaiak.http://es.youtube.com/watch?v=w3ZzVtaP3sc